Davent dad in maletg dad Alois Carigiet, sur Albert Anker fin tar ovras dad artists nunenconuschents èsi stà da chattar daltut en la gallaria Obertor a Cuira. Ils pretschs varieschan perquai er fitg e giaschan tranter mo paucs tschient francs fin tar plirs millis.
Emprima bursa d'art
I saja l'emprima giada ch'ella fetschia ina bursa d'art, uschia la gallerista Jsabella Portmann. Artists e possessurs dad ovras han pudì purtar e laschar stimar las ovras. Ina giuria ha fatg quai ed er decidì, tge che vegn mussà e vendì. Uschia èn vegnidas ensemen sonda saira en la gallaria rodund 50 ovras.
RR actualitad bunura 06:00