Siglir tar il cuntegn

Header

cuntegn

Bursa da velos a Cuira 250 velos han la sonda midà possessur

Per l'emprima giada dapi in onn e mez hai la sonda puspè dà a Cuira ina bursa da velos. Ina gronda fulla da glieud ha nizzegià la chaschun per guardar e cumprar in velo. Sco quai che l'organisaziun Pro Velo Grischun communitgescha, stevan passa 400 velos a disposiziun e 250 da quels èn vegnids vendids. Ina quota da vendita da 60% saja per ina bursa da velo in success, scrivan ils organisaturs.

Pervi da la pandemia da corona è la bursa da velos a Cuira stada quella giada sin l'areal Stadtbaumgarten e betg sin l'areal da la caserna. La proxima bursa da velos è planisada per ils 2 d'october, quella giada lura probablamain en la halla da la chasa-cumin.

Ord l'archiv:

video
La controlla dal velo la primavaira
Or da L’archivar recumonda dals 20.03.2010.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga