Siglir tar il cuntegn

Header

La posta da Panaduz e dasper la scola sin la plazza cumin.
Legenda: La posta da Panaduz cun inscripziun rumantscha. RTR/ Angela Hendry
cuntegn

Café rumantscha Panaduz Quant rumantsch è Panaduz?

Per tut quels che n’han betg la pussaivladad da discurrer rumantsch en famiglia u en il domicil organisescha la Lia Rumantscha Cafés Rumantschs. Da nov datti in da quels a Panaduz. In vitg ch’è uffizialmain tudestg, dapi l’onn 1904. Quant rumantsch chattan ins atgnamain a Panaduz?

A Panaduz han las bleras vias nums rumantschs, trais da las tschintg scolinas sa numnan Buccaruia, Zilip e Tschutli. Il rumantsch dal passà è omnipreschent. Chattar Rumantschs e Rumantschas oriundas da Panaduz è dentant grev. Persuenter audan ins pli e pli savens rumantsch da la Surselva, da l’Engiadina e dal Surmeir.

Jau hai il sentiment che blers a Panaduz discurran rumantsch. I fiss dentant interessant da savair exact quants.
Autur: convischina da Panaduz

Tenor la statistica d'abitants da la vischnanca da Panaduz 2019 vivan mo 14% burgais da Panaduz en il vitg, 70% èn Svizzers e Svizras tratgas natiers. Quants pertschients che discurran rumantsch u tudestg na sa la vischnanca betg.

Unda da Sursilvans

Ch’igl arriva pli e pli blers Rumantschs e Rumantschas en vischnanca, gliez croda en egl. Era ad in um ch’è vi da far laina. Prest sa chattian dapli Blumenthals e Casanovas a Panaduz che Bielers e Caluoris. Ils Rumantschs e las Rumantschas sajan part da la cultura da Panaduz e bainvegnids, dentant promover il linguatg rumantsch en scola, gliez giess memia lunsch.

Promoziun bainvesida

Auter tuna quai tar mammas ch'han uffants che discurran rumantsch. Ina lecziun rumantsch l’emna en scola fiss in grond agid per mantegnair il linguatg. Uschia discurrissan ils uffants da differents idioms forsa era rumantsch in cun l’auter.

RTR actualitad 17:00

Artitgels legids il pli savens

Scrollar a sanestra Scrollar a dretga