Camiun cunter auto da posta - plirs blessads

Sin la via da Malix, tranter Cuira e l'Araschgerrank, è in camiun collidà cun in auto da posta cun in'entira classa da scola. Quatter uffants è sa lamentads suenter la ferma collisiun d'avair mal la tatona. Els èn vegnids transportads cun ambulanza en l'ospital chantunal.

auto da posta donnegià, in vaider è rut Bild in Lightbox öffnen.

Legenda da maletgs: L'auto da posta è donnegià ferm. polizia da la citad Cuira

L'auto da posta è sa fermà a la fermada St. Antönierrank. Cura ch'el ha vulì cuntinuar ses viadi è vegnì encunter in camiun. Il decurs exact da l'accident vegn anc examinà. I ha dà ina collisiun da la vart. En tut eran en l'auto da posta 21 passagiers. «Gist pervi da questa classa da scola era l'auto da posta occupà extraordinariamain bain per quest temp», ha ditg il schef da pichet da la polizia da la citad da Cuira, Thomas John.

Vid ils dus vehichels hai dà gronds donns, uschia John. L'auto da posta ha pudì charrar davent, il camiun ha stuì vegnir transportà davent. Durant las lavurs da salvament e rumida è la via stada charrabla mo sin in vial.

RR novitads 15:00