Siglir tar il cuntegn
cuntegn

Ulteriur Grischun Camiunist sa disgrazià a Malix

Il glindesdi saira è in camiun sa derschì avant Malix. Il manischunz è mort da las fermas blessuras en l'ospital.

Camiun ch'è sa derschì sin la via.
Legenda: Camiunist è sa disgrazià a Malix. MAD,

Il camiunist era il glindesdi saira vers las 18:40 sin via da Churwalden vers Cuira. Avant Malix è il camiun cupitgà en ina curva a sanestra sin la vart dretga ed è collidà cun la saiv directiva. Il manischunz è vegnì sgulà da la Rega en l'ospital chantunal a Cuira. Là è el mort pervi da sias fermas blessuras anc la medema saira.

Il camiun è vegnì donnegià dal tut. Il lieu d'accident ha pudì vegnir rumì curt avant mesanotg. Il traffic è durant il rumir vegnì manà mo sin in vial. La Polizia chantunala dal Grischun investighescha ensemen cun la procura publica il motiv da l'accident.

RR novitads 18:00