La manadra da la Capauliana, Chantal Störmer, ha tschernì quests objects per mussar las differentas fassettas dal graficher, pictur ed artist ch'è mort avant 30 onns.
Be ina fassetta da Carigiet vegn betg mussada en l'exposiziun - quella da Carigiet sco dissegnader dal cudesch d'unfants «Uorsin». Tenor Chantal Störmer è la figura da l'Uorsin actualmain usché preschenta, che la Capauliana possia desister bain dad er anc mussar l'Uorsin.