Il Tribunal federal n’ha anc betg decis definitivamain en chaussa. Dentant ha el decis ch'il chantun sto spetgar da bajegiar. Ina persuna privata aveva tratg vinavant la sentenzia da la Dretgira administrativa dal Grischun fin a Losanna.
Da vart dal chantun hai num ch’i na fetschia betg uschè prescha da construir quest center d'asil. Quai ha confermà il schef da l’Uffizi da migraziun, Markus Haltiner, a l'agentura da novitads svizra SDA. Dentant veglia il chantun veglia en scadin cas realisar il bajetg che duaja dar suttetg a 180 requirents d'asil.
Il center d'asil è planisà a Meiersboden datiers da Cuira. El tutga dentant tar il territori da Churwalden.
RR novitads 17:00
