Siglir tar il cuntegn

Header

cuntegn

Ulteriur Grischun Center d'asil Meiersboden è in cas per il Tribunal federal

Punct da dispita è, ch'i na dat nagina via per peduns u velocipedists per arrivar da Meiersboden a Cuira. Per pudair manar in center d'asil a Meiersboden dovri però tenor il recurrents ina tala via.

Meiersboden tutga tar la vischnanca da Churwalden, vala dentant sco quartier a l'ur da Cuira. E là ha il chantun Grischun planisà da construir in center d'asil. Cunter quel ha in abitant dal quartier fatg recurs, l'emprim tar la vischnanca da Churwalden e pli tard er tar la Dretgira administrativa dal Grischun. Omaduas instanzas han refusà ils recurs.

Sco il schurnal regiunal da SRF rapporta, ha il recurrent uss annunzià ch'el vegnia a trair vinavant il recurs avant il Tribunal federal. Per el èsi cler che Meiersboden stoppia l'emprim survegnir ina via da peduns e velocipedists fin Cuira, avant ch'ins possia avrir in center d'asil en il quartier. Bain datti gia in project per ina tala via, anc n'èsi però betg cler, sche e cura che quel vegn realisà.

RR novitads 18:00

Artitgels legids il pli savens