Siglir tar il cuntegn

Header

cuntegn

Center da cumpra «Steinbock» Polizia da Cuira discurra da «grond donn»

Il plaun sutterran dal center da cumpra Steinbock a Cuira è stà sut aua. Sco quai che la polizia da la citad ha ditg ad RTR, saja rutta ina lingia d'aua d'in indriz automatic da stizzar fieu. Quai saja capità curt suenter las 09:30.

Entaifer curt temp saja gartegià als pumpiers ed als manaschis industrials da Cuira (IBC) da serrar giu l'aua. Ils pumpiers haja lura pudì pumpar ora l'aua.

video
Center «Steinbock» sut aua
Or da Telesguard dals 04.05.2020.
laschar ir

Quant grond ch'il donn è e tge consequenzas che quai pudess avair, na saja anc betg enconuschent. La polizia da Cuira discurra en sia communicaziun mo dad in «grond donn». Daco che quai è insumma capità vegn uss sclerì.

Ord l'archiv:

Il center da cumpra «Steinbock» è pir vegnì avert il december passà.

RTR novitads 14:00

Artitgels legids il pli savens

Scrollar a sanestra Scrollar a dretga