Il proxim temp è la via sur il Postplatz en il center da la citad da Cuira serrada per il traffic dad autos. Ins po bain anc vegnir avant la posta ed ils collavuraturs da la Banca Chantunala Grischuna han access a lur parcadis sutterans pli lunsch na va quai però betg.
Per vegnir a l’auter maun dal Postplatz pon ins prender la Ringstrasse e sviar il center a la gronda, u ch’ins po ir la via in zic pli pauc conuschenta qua sut.
La ruta la pli sperta?
La ruta la pli sperta da vegnir na dal sid u dal nord da l’auter maun dal Postplatz pudess esser da charrar vinavant sin l’autostrada e gist prender la dretga sortida da l’autostrada.
L’impediment dal traffic en il center da la citad da Cuira vegn anc a cuzzar intgins dis.
Las lavurs al plazzal dal Postplatz duain custar da quai da 300’000 francs. Cumenzà han las lavurs la fin d’avust direct suenter la festa da Cuira.