Quai ha Marcel Suter, il manader da l'Uffizi per migraziun chantunal confirmà envers Radiotelevisiun Svizra Rumantscha. Damai che la Confederaziun parta tiers adina dapli requirents al chantun, manca uss il plaz en ils stabiliments existents.
Perquai haja l’Uffizi per migraziun dumandà pliras vischnancas per sustegn, uschia era a Domat. Là vegniss l’indriz per la protecziun civila a Caguils nizzegiada sco center temporar per requirents d’asil. Tenor retschertgas da RTR avessan passa 100 persunas plaz a Caguils. Las localitads èn sut la chasa da scola che sa chatta da la vart da Cuira.
Mesemna proxima ils 30 da settember infurmescha l’Uffizi da migraziun chantunal ensemen cun la vischnanca la populaziun.
