Donns pli gronds che spetgà
Perquai che diversas tromas eran miradas en, n'han ins betg vesì tut ils donns. Uschia èn las lavurs da renovaziun pli grondas che spetgadas. Vul dir, ins dovra dapli temp ed era dapli daners. Numnadamain in mez milliun dapli che budgetà. Uschia fan ins quint cun custs finals dad 1,5 milliuns francs.
Construida l’onn 1752
Avant bunamain 270 onns è la Chasa grischa vegnida construida. Quai sin incumbensa da l’uffizial Andreas von Salis. Ensemen cun sia famiglia ha el vivì en questa chasa patriziana. Cun la fundaziun dal chantun Grischun l’onn 1803 ha la regenza prendì domicil en la chasa. Dapi lura è la Chasa grischa il sez da la regenza grischuna.
RTR Telesguard 17:40