Siglir tar il cuntegn

Header

Navigaziun

Tar la punt «Schinterbrüggli» han passants chattà la bara d'in um da 34 onns
Legenda: Tar la punt «Schinterbrüggli» han passants chattà la bara google maps
cuntegn

Ulteriur Grischun Chattà ina bara en la Plessur

A Cuira han passants chattà sonda endamaun ina bara d'in um da 34 onns.

Ils passants han immediat alarmà l'equipa da salvament e la polizia. Il medi d'urgenza ha dentant mo pudì constatar la mort da l'um.

La polizia da la citad da Curia tschertga ussa perditgas davart l'um mort en la Plessur. Tenor las emprimas examinaziuns è l'um da 34 onns crudà en il flum datiers dal Bener Park. Sco i para era l'um sin viadi da mesanotg cun in velo nair. L'um purtava ina giacca naira, ina chautscha grischa e pantoflas alvas.