Siglir tar il cuntegn
cuntegn

Ulteriur Grischun Chattà ultima bara d'accident sin la Landquart

L’um ch’era sparì dapi l’accident da bartga da gumma sin il flum Landquart dals 27 da matg è vegnì chattà mort. Quai communitgescha la Polizia chantunala dal Grischun.

Teaser.
Legenda: Totalmain hai dà trais morts tar l'accident sin la Landquart dals 27 da matg (maletg simbolic). Polizia chantunala dal Grischun

Mardi, ils 7 da zercladur ha la Polizia chantunala survegnì indicaziuns ch’ina bara sa chattia sin in letg da glera dal flum Landquart tranter Pragg-Jenaz e Schiers.

La persuna morta ha la polizia pudì identifitgar cun l'agid d'in'analisa ADN: I sa tracta da l’um da la Tschechia da 66 onns ch’era sparì dapi ils 27 da matg suenter in accident d’ina bartga da gumma sin la Landquart.

La bara è vegnida salvada cun l’agid dal CAS e sfunsaders da la polizia. La Polizia chantunala dal Grischun e la procura publica grischuna examineschan vinavant il motiv da l’accident.

RR novitads 11:00