Siglir tar il cuntegn

Header

video
Di da chauma per las dunnas
Or da Telesguard dals 14.06.2021.
laschar ir
cuntegn

Chauma da dunnas Acziun da canera a Cuira

50 onns suenter l'introducziun dal dretg da vuschar da las dunnas, 30 suenter l'emprima chauma da dunnas e 25 onns suenter l'introducziun da la lescha èn las dunnas en Svizra oz anc ina giada idas sin via per far attent sin inegualitads ch'i dat anc adina – per exempel tar las pajas.

En Svizra èn oz, ils 14 da zercladur, las dunnas danovamain idas sin via per pretender lur dretgs cun numerusas acziuns en l'entir pajais. En il center da la «chauma da dunnas» stat quest onn la pretensiun suenter meglieras pajas e rentas da vegliadetgna sco er avunda plazzas per la tgira d'uffants e dapli protecziun da violenza sexuala.

A las 15:19 han bleras dunnas chalà da lavurar. La discriminaziun da paja è dapi il 2019 numnadamain anc s'augmentada. Quintà enturn sin in di, lavuran las dunnas uss gia davent da las 15:19 gratuit enstagl da davent da las 15:24.

Chauma da dunnas a Cuira.
Legenda: Chauma da dunnas a Cuira. RTR

A Turitg ed a Cuira hai perquai il suentermezdi a las 15:19 dà in'acziun da canera, a Berna in flashmob en direcziun enavos per far attent sin il retard da la Svizra puncto egualitad. En auters lieus hai dà picnics feministics e workshops.

audio
A las 15:19 hai dà in'acziun da canera
01:48 min, RTR Audio dals 14.06.2021.
laschar ir. Durada: 01:48 minutas.

Il chantun duai dar in bun exempel

Il chantun Grischun duai publitgar en l'internet sia tabella da paja sco er agiuntar a inserats per plazzas la paja d'entrada. Quai pretenda la deputada da la PS Silvia Hofmann en ina moziun ch'ella ha inoltrà oz en il Cussegl grond. «Be sche las dunnas san quant che ils collegas masculins fadigian, pon ellas er reagir», di la deputada. Perquai duai il chantun vegnir pli transparent e dar uschia in bun exempel per cumbatter l'inegualitad da paja tranter umens e dunnas.

audio
Silvia Hofmann vul dapli transparenza
00:15 min, Actualitad dals 14.06.2021.
laschar ir. Durada: 00:15 minutas.

Ord l'archiv

RTR novitads 06:00

Artitgels legids il pli savens

Scrollar a sanestra Scrollar a dretga