Siglir tar il cuntegn

Header

cuntegn

Chauma da dunnas Passa 1'000 participantas a la chauma da Cuira

Tar ina da las pli grondas manifestaziuns dals ultims onns a Cuira èn passa 1'000 participantas sa rimnadas per far attent sin las pretensiuns da las dunnas. Respect, dapli paja e dapli temp pretendan las demonstrantas al di naziunal da chauma.

Violet è la colur

Il marsch da dunnas colurà cun violet tras la citad da Cuira ed er la chauma en general en Grischun è stada sut il motto triling: «Rispetto. Dapli temp. Mehr Lohn». Acziuns hai dà en l'entir chantun.

Egualitad n'è anc adina betg realitad

Il collectiv da chaumas da dunnas aveva appellà da mussar durant quest di ch'i saja finalmain puspè uras da far in pass enavant en l'egualitad cun um e dunna. Prest 40 onns suenter che l'artitgel da l'egualitad è vegnì approvà n'haja la Svizra anc adina betg fatg ses pensum en chaussa.

RR actualitad 17:00