Siglir tar il cuntegn

Ulteriur Grischun Chavaterra cupitga en lai da Sufers

Tar lavurs vid la via a Sufers ha in chavaterra pers l'equiliber ed è cupitgà, il maschinist è sa blessà grevamain.

Il chavaterra da sis tonnas era bunamain svanì dal tuttafatg en il lai.
Legenda: Il chavaterra da sis tonnas era bunamain svanì dal tuttafatg en il lai. MAD

Sco quai che la polizia chantunala communitgescha, era l'um da 34 onns dal Portugal cun ses chavaterra vid emplenir il fundament per il schlargiament da la via chantunala. Tuttenina ha il vehichel pers l'equiliber ed è cupitgà en il lai. Il maschinist hai sdermenà ord il chavaterra. El è sa blessà grevamain e la Rega ha sgulà el en l'ospital chantunal a Cuira.

Il chavaterra è crudà en il lai.
Legenda: Il chavaterra è crudà en il lai. MAD

RR novitads 17:00