La fin da fanadur aveva la Polizia chantunala chattà ina chomma d'ina persuna ad Untervaz. Sco che la polizia ha communitgà il mardi, sa tractia quai dad ina chomma d'ina dunna betg grischuna. La persuna stoppia esser morta dapi emnas u mais. La dunna sto avair gì in grondezza da radund 168 cm gronda.
Suenter il chat en il territori Halbmil, hajan ins tschertgà minuziusamain en ils conturns e cun agid d'in chaun da la Polizia chantunala da Turitg, dentant senza success.
Il mument fa l'Institut per la medischina forensica a Son Gagl in'analisa da DNA. Quella possian ins lura cumparegliar cun las datas geneticas naziunalas ed internaziunalas per uschia pudair eruir dapli. La polizia infurmeschia puspè, cura che quests resultats sajan avant maun.
RR novitads 15:00