Per passa 3 milliuns francs, renovescha Churwalden ses cumplex da scola Witi. La radunanza communala haja approvà cun gronda maioritad il credit necessari, scriva la vischnanca. La sanaziun fetschia da basegn, damai ch'ils bajetgs na correspundian per part betg pli a las pretensiuns d'ozendi.
Plinavant han ils da Churwalden decidì uninimamain da modernisar il scopo da la Fundaziun legat Hemmi-Keldersches. Da nov dastga la fundaziun sustegnair persunas basegnusas independent da lur cardientscha.