Siglir tar il cuntegn

Ulteriur Grischun Churwalden vul meglieraziun per 10,6 milliuns francs

La radunanza communala ha concedì in credit brut da 10,6 milliuns francs per la realisaziun da la meglieraziun. Chantun e Confederaziun sustegnan era il project.

chasa communala churwalden
Legenda: La vischnanca da Churwalden ha decidì la meglieraziun. MAD

Cun gronda maioritad ha la radunanza communala da Churwalden ditg gea al project da meglieraziun. Il credit da 10,6 milliuns francs è era concedì. Dals custs restants da 4,3 milliuns francs surpiglia l'interessenza publica 2,6 milliuns e l'interessenza privata 1,7 milliuns, communitgescha Churwalden.

La rait da vias sin il territori da las duas anteriuras vischnancas da Churwalden e Parpan era vegnida construida ils onns 40 e na correspundan betg pli a las pretensiuns agriculas d'ozendi. Ultra da quai vegn l'access al «Oberberg» meglierà cun bajegiar da nov ina part da la via d'access.

RR novitads 12:00