La raschun sajan pli pitschnas entradas da taglia dad ina e pli auts custs tar il persunal e material da l’autra vart. En pli fa la citad differentas investiziuns – uschia en las vias sco ch’il president da la citad Urs Marti ha ditg envers RTR.
La furmaziun, ils implants da sport e la finanziaziun da la tgira vegnian pli charas, scriva la citad. E tar ils implants da sport vegnia cumenzà cun construir ils implants novs tenor il masterplan Obere Au, e lura er per sport da pastg e sport sin glatsch.
Il budget d’investiziun prevesia per la perioda da planisaziun 2019-2011 cun 244 milliuns in basegn d’investiziuns fitg aut. Las investiziuns netto possian dentant vegnir finanziadas per 36,2% sez, concluda la citad sia communicaziun. Grazia als buns resultads dals quints dals onns passads saja pussaivel da prender per mauns quests projects.
Il budget per il 2019 sto anc vegnir approvà dal cussegl communal da Cuira.
RR novitads 16:00
