Siglir tar il cuntegn

Header

video
La fiera «light» da Cuira è averta
Or da Telesguard dals 01.05.2020.
laschar ir
cuntegn

Citad da Cuira La fiera «light» da Cuira è averta

In'Obere Gasse fullanada da glieud ch'emprovan qua ina buccada chaschiel, baivan là in café, flaneschan da stan tar stan e dattan ina baterlada – uschia guardava il martgà dal l'emna da Cuira or avant corona. Dentant na ston ils abitants betg pli desister da lur martgà, oz ha cumenzà ina versiun «light» dal martgà da l'emna da Cuira.

Pli ditg cun dapli distanza

Per pudair sa tegnair vid las reglas da distanza dat quai sin 6 differentas plazzas mintgamai 1 stan. Ir a fiera è pia in zic sco da far ina pitschna tura tras la citad veglia, dal Ochsenplatz sur il Gansplatz, Martinsplatz, Majoranplatz, Pfisterplatz e Kornplatz. Pro stan dastgan mintgamai duas persunas far lur cumpras.

Vinavant ha l'uniun da la fiera emnila prolungà la fiera da 1 di sin 4 per evitar fullas da persunas. Da mesemna enfin sonda stat pia mintga di in auter stan sin las plazzas. Guardar tgi ch'è cura nua pon ins en l'internet.

«Betg il medem, dentant tuttina bun»

I manchia bain in zic il flair e l'atmosfera da fiera, dentant tut ils visitaders dumandads èn cuntents ch'els pon almain visitar singuls stans. Er ils producents pon uschia minimisar il donn che nagina fiera n'avess muntà per els. La fiera da Cuira saja numnadamain ina impurtanta funtauna d'entradas per els.

RTR actualitad 17:00