La citad da Cuira surdat quest onn trais premis da renconuschientscha e dus premis da promoziun.
In premi da renconuschientscha survegnan il linguist Oscar Eckhard, l'autur e reschissur Felix Benesch sco er il duo Kappeler/Zumthor cun la pianista Vera Kappeler ed il battarist Peter Conradin Zumthor. Cun il premi da promoziun vegn onurà il «Kabinett der Visionäre» e la musicista Astrid Alexandre.
Ils premis da renconuschientscha undreschan ina lavur culturala d’almain 10 onns ch’è da muntada per la citad sco er per la regiun en la vischinanza.
Ils premis èn mintgamai dotads cun 4’000 francs e vegnan surdads ils 11 da matg.
RR novitads 12:00