Siglir tar il cuntegn

Header

cuntegn

Ulteriur Grischun Citad da Cuira vul impedir sbassament da rentas

La situaziun sin il martgà da chapital è difficila. Las cassas da pensiun han miserias d’investir ils daners da pensiun cun ina rendita e quai cun pitschna ristga. Perquai sto la tariffa da conversiun vegnir sbassada tar pliras cassas. Pertutgads èn era ils emploiads da la chapitala Grischuna.

audio
Saira: Per tge vai en la revisiun da la cassa da pensiun da Cuira
ord Actualitad dals 01.09.2016.
laschar ir. Durada: 3 minutas 5 Secundas.

Davent da 6.1 sin 5.2 pertschient vegn la tariffa da conversiun (Umwandlungssatz) sbassada tar la cassa da pensiun da la citad da Cuira, quai è gia cler. Motiv è la greva situaziun d’investir ed il fatg che nus vivain adina pli ditg. Il sbassament da questa tariffa ha l'effect, ch’ils pensiunads retschaivan ina renta pli bassa. Cun duas mesiras vul la citad impedir quai:

  • Ils emploiads e la citad sco patrun duain pajar mintga mais dapli contribuziuns a la cassa da pensiun.
  • La citad duai pajar unicamain 4.25 milliuns per auzar il chapital da spargn dals affiliads.

Per questas duas mesiras dovra i duas giadas in gea dal suveran da Cuira ils 25 da settember 2016.

Gia franc è il pajament da 23 milliuns da la cassa da pensiun a favur dal chapital da spargn dals emploiads.

Artitgels legids il pli savens