Ulteriur Grischun - Clamar la naiv cun il «Sechsi Schällata»

1 / 10

Legenda: Al "Sechsi Schällata" s’inscuntran giasts ed indigens per baiver il vin chaud gratuit. RTR, F. Caduff

2 / 10

Legenda: Per la musica procuran ils tuns e suns da la pli gronda tiba dal mund. RTR, F. Caduff

3 / 10

Legenda: Blera glieud ha mussà interess per nova tradiziun. RTR, F. Caduff

4 / 10

Legenda: Il “Wildmännli” fa part al "Sechsi Schällata". El vegn be per dar fieu or dal guaud da Claustra. RTR, F. Caduff

5 / 10

Legenda: Il fieu arda e la giuventetgna vegn... RTR, F. Caduff

6 / 10

Legenda: ...e va enturn il fieu cun las plumpas. RTR, F. Caduff

7 / 10

Legenda: Per ils uffants na dastga Son Niclaus betg mancar. RTR, F. Caduff

8 / 10

Legenda: E tuts han pront in versin per survegnir in regalin. RTR, F. Caduff

9 / 10

Legenda: Kurt Steck, il president da Claustra, è cuntent. El spera ch’ins po festagiar anc plirs "Sechsi Schällatas". RTR, F. Caduff

10 / 10

Legenda: Tenor ils responsabels è l'emprim "Sechsi Schällata" stà in success. RTR, F. Caduff

Il «Sechsi Schällata» è in mix dal «Sächsilüte» a Turitg e Chalandamarz. I vegn fatg in grond fieu e la giuventetgna va enturn il fieu cun plumpas per clamar l'enviern cun la naiv.

Spezial é ch'il fieu vegn envidà dal «Wildmännli». Quai é in um or dal guaud da Claustra. El vegn mo per envidar fieu. Suenter va el puspè. Era il Niculaus fa part da la nova tradiziun.

audio

Bunura: Ina tradiziun nescha a Claustra "Sechsi Schällata"

03:36 min, ord Actualitad dals 07.12.2015.

laschar ir. Durada: 3 minutas 36 Secundas.

Turissem spera sin effect

L’idea d’introducir il «Sechsi Schällata» vegn da la societad da hoteliers da Claustra. Els vulevan porscher als giasts insatge dapli. Ma era ils indigens duain profitar da la nova tradiziun. I dess esser in inscunter per tuts.

RR actualitad bunura 06:00