Il pilot da 55 onns è partì a Chrüz sur Pany. El ha gì l'intenziun da sa tschentar en la regiun Partenz davos. Durant che ses collega pli giuven è sa tschentà a Claustra-Vitg ha il pilot pli vegl annunzià via func da vulair sgular a Claustra-Platz. Cun sa tschentar ha il pilot da 55 cumenzà a turniclar ed è crudà enturn las 15:30 giu d'ina autezza da 5 fin 10 meters.
Persunas ch'han observà l'accident han pudì tgirar el enfin ch'il medi d'urgenza ed il helicopter da la Rega èn arrivads. L'um è vegnì sgulà en l'Ospital chantunal a Cuira.