A Claustra è reussida l'iniziativa che vul impedir il resort da vacanzas «Ober Ganda». Cunter il project datti er plirs recurs. Tenor ina communicaziun da la vischnanca è l'iniziativa reussida cun 286 suttascripziuns valaivlas, tanschì avessen 150 suttascripziuns, rapporta il Bündner Tagblatt.
Il resort da vacanzas Ober Ganda è in project da las pendicularas Claustra-Madrisa. La realisaziun è dentant sut squitsch. Cunter la construcziun dal resort sco er da la chasa da parcar èn pendent 11 recurs.
Project Ober Ganda
Previdas èn per il resort 78 chombras dad hotel e 71 abitaziuns explotadas cun recepziun. Il project preveda ultra da quai ina chasa da parcar cun passa 460 plazzas.
audio
Per tadlar las novitads da las 08:00
ord RTR Audio dals 22.01.2021.
Maletg: RTR
laschar ir. Durada: 5 minutas 12 Secundas.
