Ils votants e las votantas da Claustra-Serneus han questa giada approvà il preventiv surlavurà per l’onn current. Quai cleramain cun 725 cunter 206 vuschs, sco quai che la vischnanca ha communitgà.
Questa segunda votaziun è stada necessaria suenter che la populaziun aveva refusà il schaner il preventiv oriund per il 2017. La midada principalas è ch’il deficit budgetà è vegni reducì da 3,7 milliuns sin ussa 1,8 milliuns francs. La fin favrer aveva lura il parlament approvà il preventiv nov.
RR novitads 11:00