Enstagl da construir ina chasa da parcar duai Claustra-Serneus realisar in parcadi temporar per ils paucs dis cun grond basegn. Quest cussegl dat in studi che la vischnanca ha laschà far, en vista al grond traffic dal temp liber e dal turissem en il vitg durant tscherts dis. Il parcadi temporar cun almain 180 parcadis pudess vegnir realisà tenor il studi a Selfranga – quai pretendess lura dentant ch'i vegniss er realisà in bus da shuttle davent da là a Claustra Plaz.
La schliaziun temporara vegniss tenor il studi almain 10 giadas pli bunmartgà ch'ina nova chasa da parcar. Il cussegl communal da Claustra-Serneus lascha uss examinar pli profund la proposta, senza metter ad acta la chasa da parcar.
audio
Per tadlar: Las novitads da las 12:00
ord Novitads dals 23.06.2020.
Maletg: RTR
laschar ir. Durada: 5 minutas 37 Secundas.