Siglir tar il cuntegn

Header

cuntegn

Claustra-Serneus Radunanza communala gea u na?

Claustra-Serneus è a la tschertga da novas structuras per manar la vischnanca. La dumonda cardinala è, less il suveran da nov ina radunanza communala u betg. La finamira fiss da purtar in zic ruaus en il cumin.

Dapi onns han la vischnanca politica ed il suveran da Claustra-Serneus dispitas. Il suveran na fida betg pli a las autoritads communalas. Uschia fan projects gronds naufragi ed il suveran ha gia ditg duas giadas na ad in nov sistem politic.

Novas structuras èn vegnidas pretendidas, e forsa n’han ins betg realisà quellas a moda e maniera confurm al temp.
Autur: Kurt Steck president communal da Claustra-Serneus

Las novas structuras duain esser pli cleras, transparentas ed evidentas, uschia ch’il suveran fidass puspè dapli la direcziun. «4 gudogna plus» sa numna la proposta per las novas structuras politicas ch’ina gruppa da lavur ha proponì.

«4 gudogna plus»

Avrir la box Serrar la box
  • radunanza communala duai surprender fatschentas ch'eran fin uss regladas sur l'urna
  • il cussegl communal ed il cussegl da scola duain vegnir pli pitschens
  • la cumissiun da gestiun duai vegnir separada dal cussegl communal
  • la cumissiun da construcziun duai vegnir valurisada pli ferm ed avair la cumpetenza da decider
  • plinavant duain ils commembers da las duas cumissiuns vegnir elegids a l'urna

A la votaziun dals 15 da december po il suveran uss decider, sch’el giavischa novas structuras cun ina radunanza communala, senza ina radunanza communala u sch’el na less insumma naginas novas structuras.

audio
Mezdi: Claustra: novas structuras politcas èn sin maisa
ord Actualitad dals 07.11.2019.
laschar ir. Durada: 3 minutas 5 Secundas.

Tar in gie van las novas structuras en vigur il schaner 2021. Tar in na resta tut uschia sco quai ch’igl è uss.

RR actualitad 12:15

Artitgels legids il pli savens