Il suveran da Claustra-Serneus duai uss tuttina eleger tranter differentas opziuns per renovar las structuras da la vischnanca. Quai ha decis il cussegl communal. En vista era fin uss in’opziun cun introducir ina radunanza communala che duai en l’avegnir decider davart fatschentas che vegnan fin oz regladas a l’urna. Uss duai er vegnir elavurà in’opziun senza radunanza communala. Entras quella decisiun veglian ins porscher al suveran ina pli gronda schelta. La votaziun a l’urna è prevesida per ils 15 da december 2019.
Ulteriuras decisiuns e discussiuns
- Elegì sco represchentant actuar communal è Oliver Früchtenicht per il rest da la perioda 2017/20.
- Il recurs cunter la decisiun da construcziun da la suprastanza communala dal center da medis Claustra Plaz è anc adina avant Dretgira administrativa. La fin d'october 2019 vegn ad avair lieu ina inspecziun.
- Il recurs pertutgant la revisiun parziala da la planisaziun locala (ressort da famiglias) dura anc. Ils recurrents han contactà la suprastanza communala e dumandà per ina conferenza.
audio
Per tadlar: Las novitads da las 12:00
ord Actualitad dals 14.09.2019.
laschar ir. Durada: 4 minutas 58 Secundas.
RR novitads 12:00
