Ulteriur Grischun - Claustra sposta il segund scrutini
Il segund scrutini per las elecziuns dal parlament da la vischnanca da Claustra vegn spustà sin ils 25 da settember e betg sco previs tenor constituziun gia en trais emnas. Sco la vischnanca da Claustra scriva saja il motiv che ina partida haja inoltrà ina dumonda.
Uss han las partidas e las organisaziuns dapli temp per chattar avunda candidatas e candidats per ils 3 posts vacants en il parlament da la vischnanca.
Ils 5 da zercladur aveva la vischnanca da Claustra elegi il president, la suprastanza communala e 12 da 15 commembers dal parlament.
