Siglir tar il cuntegn

Header

audio
Saira: Suenter l’incendi – Luzi Thomann ha stuì rumir garascha
Or da Actualitad dals 18.01.2019.
laschar ir. Durada: 03:34 minutas.
cuntegn

Ulteriur Grischun Cletg en il discletg per la Thomann SA

Il fieu da mesemna notg ha er grondas consequenzas per la garascha da Luzi Thomann. Ils 40 collavuraturs han ussa dad improvisar. Ma ina soluziun per ils proxim mais è schon chattada.

Il schoc è stà grond cura ch'el haja survegnì il telefon da ses manader da filiala la mesemna saira, raquinta Luzi Thomann. Il levgiament saja dentant fitg grond che naginas persunas sajan sa blessadas u perfin mortas. Uss saja la lavur da salvar quai ch'ins possia anc duvrar e da s'installar en ina nova localitad.

Chattà soluziun intermediara a Trimmis

Gia a partir da l'emna che vegn avra Luzi Thomann ina filiala temporara a Trimmis per che ses 40 collavuraturs da la garascha pertutgada possian lavurar enavant. Er la filiala a la via industriala a Cuira vegnia nizzegiada ha Luzi Thomann ditg sin dumonda.

Donns da plirs 100'000 francs

La summa exacta dals donns per sia filiala na saja betg anc eruida. Luzi Thomman quinta dentant cun plirs 100 milli francs. Il motiv per l'incendi en il depot dals autos da posta vegn sclerì actualmain dals spezialists da la polizia chantunala.

RR actualitad 17:20

video
novitad – deposit intermediar per autos da posta
Or da Telesguard dals 18.01.2019.
laschar ir

Artitgels legids il pli savens

Scrollar a sanestra Scrollar a dretga