Ils giuvens tamburs da la Societad da schumbraders Domat han gì ina fin d'emna da success a Näfels: A la 40avla concurrenza Svizra Orientala han els savì realisar 12 success musicals. Quai scrivan ils schumbraders da Domat en ina communicaziun a las medias.
Las concurrenzas da secziuns
En las concurrenzas da secziun da la dumengia ha la gruppa pli veglia dals tamburs giuvens da Domatsut la batgetta dada Andri Seglias savì defender ses titel da campiun da la Svizra Orientala en la categoria S1.
La gruppa pli giuvna percunter n'ha betg savì defender ses titel en la categoria S2. Ella ha realisà cun Tamino Weggler il quart rang.
En las concurrenzas singulas da la sonda èn its 10 tamburs giuvens da Domat per la frastga, la distincziun singula. Seyan Fetz ha gudagnà la categoria J3 dals pli giuvens ed è daventà campiun da la Svizra Orientala. Ils resultats en survista:
Dumengia saira han numerus fans, la societad da musica, delegaziuns da bandieras sco er represchentants da la vischnanca politica e da la vischnanca burgaisa beneventà ils tamburs giuvens a la staziun.
RR actualitad 11:20
