Siglir tar il cuntegn
Inhalt

Ulteriur Grischun Conters ha in nov president communal

La radunanza communala da venderdi saira ha elegì il candidat senza partida Christian Clavadetscher-Casanova sco nov president communal.

vista sin la vischnanca da Conters en il Partenz
Legenda: Conters en il Partenz ha in nov president communal. RTR, Seraina Derungs

Ils da Conters han plinavant approvà la revisiun totala da la constituziun communala. Ultra da quai han las votantas ed ils votants approvà il budget da l'auter onn. Quel prevesa in deficit da bunamain 27'000 francs tar entradas da bun 1,7 milliuns francs. Il pe da taglia resta tar 70% da la taglia chantunala simpla.

Sper il nov president communal ha la radunanza communala elegì Sandro Demonti da nov en la suprastanza communala, Jan Andreas Risch da nov en il cussegl da scola e Christian Meier e Hadi Senteler da nov en la cumissiun da gestiun.

RR novitads 11:00