Siglir tar il cuntegn
Inhalt

Ulteriur Grischun Convict a Cuira sin glista cotschna da la protecziun da la patria

L'uniun crititgescha la sanaziun dal bajetg e vul cun agid da la glista cotschna far attent a bajetgs cun ina valur culturala per mantegnair quels.

Foto dal convict a Cuira
Legenda: «Il bloc da betun» a Cuira. Biblioteca chantunala dal Grischun

Il convict a Cuira daventa uss in tema naziunal. Suenter che che la secziun grischuna da la protecziun da la patria ha inoltrà ina reclamaziun cunter ils plans da sanaziun dal convict a Cuira metta la protecziun da la patria svizra uss quel sin lur glista cotschna, quai scriva la Südostschweiz. Uschia less la protecziun da la patria far attent a la valur culturala dal bajetg or dals onns sessanta ed uschia far squitsch per savair mantegnair quel. Tenor la protecziun da la patria vegnia il convict da la scola chantunala a Cuira midà a moda memia severa.

Glista cotschna

La glista cotschna da la protecziun da la patria datti dapi 15 onns. Ella duai far attent a bajetgs cun ina valur culturala ed uschia salvar lur mantegniment. Talas glistas cotschnas enconusch'ins er da la protecziun d'animals e plantas. Là vegnan spezias periclitadas sin ina glista cotschna.

RR novitads 06:00