Siglir tar il cuntegn

Header

cuntegn

Coronavirus Cuira scumonda occurrenzas cun dapli che 50 persunas

Suenter ch’il Cussegl federal ha decis da scumandar en l’entira Svizra occurrenzas cun dapli che milli persunas, va la citad da Cuira anc pli lunsch: Ella ha decis da scumandar da princip occurrenzas cun dapli che 50 participants. Quai en cunvegnientscha cun il chantun. Questa mesira vala a partir dad immediat enfin ils 15 da mars – sco la citad ha communitgà.

Betg pertutgada da questa mesira n'è l’activitad commerziala dal mintgadi, sco per exempel en la gastronomia u da visitar indrizs publics. Medemamain betg pertutgadas n'èn occurrenzas da necessitad sociala sco sepulturas u il manaschi dal parlament.

I na fa numnadamain pauc senn da scumandar occurrenzas cun per exempel 800 persunas, er sche quest dumber è sut 1000 participants.
Autur: Citad da Cuira

Cun questa mesira vul la citad impedir ch’il virus sa derasia pli fitg. Er duaja vegnir garantir ch'i saja pussaivel da reconstruir sco persunas sajan eventualmain vegnidas infectadas cun il coronavirus.

Per tadlar curt e cumpact:

audio
Cuira va vias radicalas per evitar la derasaziun dal coronavirus
ord Novitads dals 29.02.2020.
laschar ir. Durada: 1 minuta 4 Secundas.

RTR novitads 21:00

Artitgels legids il pli savens