En la caserna a Cuira èn 11 schuldads s'infectads cun il coronavirus. Co il pledader da l'armada Daniel Reist ha confermà envers RTR sajan 4 recruts turnads dal congedi da fin d'emna cun il virus ed hajan infectà 7 camerats. Tuts 11 sajan uss en isolaziun. Ils pertutgads èn tuts tranter 19 e 21 onns.
audio
Daniel Reist: «En total èn 11 infectads, ulteriurs en quarantina»
ord RTR Audio dals 01.08.2020.
Maletg: Keystone
laschar ir. Durada: 12 Secundas.
11 ulteriurs schuldads che sajan stads en contact cun els han stuì ir en quarantina. Ils ulteriurs schuldads ch'èn vegnids testads negativ sajan vegnids tramess a chasa. Glindesdi cuntinueschia il mintgadi da caserna puspè tut normal. En la caserna a Cuira sa chattan èn il mument radund 600 commembers da l'armada.