Cuira duess restar in center attractiv per abitar e lavurar. Il medem mument valì da risguardar la planisaziun dal territori chantunal, la fusiun cun Maladers e Haldenstein, da persequitar las strategias da la citad e metter il fundament per novas zonas da construcziun. La cussegliera da citad Sandra Maissen ha preschentà oz il concept da svilup 2050 per avair respostas sin il sa posiziunar da Cuira per ina proxima generaziun.
Integrar la populaziun
Per il cussegl da citad è l'integrar la populaziun en quista dumonda impurtanta. Enfin la fin d'avust è dada la pussaivladad da consultaziun en la dumonda da svilup, la fin da l'onn decida il cussegl da citad. Cun ina saira d'infurmaziun, ussa gievgia ils 17 da zercladur e cun la pussaivladad da respunder a dumondas via internet, speran ils responsabels d'avair ina buna basa da meinis e dumondas.