Siglir tar il cuntegn
Inhalt

Ulteriur Grischun Cuira: Approvà credit per il project «Eisball»

Il cussegl communal da la citad da Cuira ha approvà il credit da bun 43 milliuns per il project «Eisball» che prevesa plazzas da sport (hockey, ballape, trenament) a l’Obere Au.

Quai cun 18 vuschs gea e duas abstenziuns. Quai è in’ulteriura etappa da l'uschenumnà Masterplan che prevesa la sanaziun dals indrizs da sport da la citad da Cuira.

Strusch opposiziun

La fatschenta n’è betg stada fitg dispitaivla – represchentantas e represchentants da tut las fracziuns èn da l’avis ch’igl è nairas uras da sanar ed investir en ils indrizs da sport. Uschia èn ils blers intgantads dal project preschentà. La cussegliera communala da la PS, Xenia Bischof ha ditg ch'i saja in project cun perspectiva. Sulettamain da vart da la PPS hai dà dubis. Quai per exempel en connex cun la dimensiun da las tribunas da sport. Tenor il cusseglier communal da la PPS Hanspeter Hunger sajan 300 plazs memia blers.

Davos pled en chapitel han ils da Cuira ils 25 da november a l’urna.

RR novitads 17:00