Siglir tar il cuntegn

Header

video
Aua persa sco agid en il cumbat cunter il coronavirus
Or da Telesguard dals 03.05.2021.
laschar ir
cuntegn

Cuira Chantun fa tests da corona en sereneras

Ina da las sereneras grischunas che fa dapli che be schubregiar l’aua persa è quella da Cuira. Cun testar l'aua persa pon ins numnadamain persequitar infecziuns da corona e lur svilup en in’entira regiun. Perquai controllescha il chantun, en collavuraziun cun l'ETH a Turitg, trais giadas l'emna l'aua en la serenera.

La differenza tar ils tests normals è ch’ins na sto betg mobilisar ed animar las persunas per testar e sa laschar testar.
Autur: Martin Bühlerschef dal stab directiv dal Grischun

Dapi il november 2020 analiseschia il chantun l'aua persa. Tenor l'Uffizi per la natira e l'ambient hajan ins er gia vesì resultats clers. Dapli gens dal coronavirus ch'ins haja chattà en l'aua persa e dapli cas da corona ch'igl ha dà. La differenta als tests singuls è dentant, ch'ins survegn mo ina survista generala. A lunga vista possia quai però esser in indicatur sco in sistem da peravertiment per ils proxims svilups en connex cun la pandemia, uschia Martin Bühler.

RTR Telesguard 17:40

Artitgels legids il pli savens

Scrollar a sanestra Scrollar a dretga