Quest onn datti a Cuira ina versiun pli pitschna dal «Christkindli-Markt». La realisaziun han ins ditg mess en dumonda. Cun il concept da protecziun elavurà ed il fatg che l'occurrenza saja ordavert possian els resguardar tut las mesiras da segirezza necessarias ha communitgà la citad. Quai cuntrari al martgà da Nadal che na possia betg garantir las distanzas necessarias en las giassas stretgas da la citad veglia ed ha perquai betg lieu quest onn.
La decisiun da far il Christkindli-Markt hajan els er prendì per che Cuira porschia puspè in'atmosfera d'Advent contemplativa, hai num.
Per grond e pitschen
Christkindli-Markt cun il motto «pitschen e delicat» ha lieu dals 27 da november fin ils 23 da december 2020. Ils stans èn mintgamai averts da las 11:00 fin las 19:00.
