Per las lavurs da construcziun è il bogn cuvert stà serrà l’entira stad. Durant quest temp è il palantschieu sura vegnì remplazzà cumplettamain. Enstagl or da lain è il nov palantschieu ord in material spezial ch’è pli levs e che duess era esser pli segirs.
Il highlight: la ruschnera nova
Vitiers vegn construì ina nova ruschnera dad aua en il bogn cuvert. Per ch’ella haja plaz, han ins stuì far ina rusna tras il tetg ed eriger suren ina chasina, da la quala ins parta lura per la ruschnera.
Era il bogn da vapur vegn renovà dal tuttafatg a questa chaschun. I duess dar in pli grond è modern bogn da vapur, damai ch’i deva savens problems cun la tecnica dal vegl bogn a vapur en il bogn da la Obere Au.
RR actualitad 07:00
