La polizia da la citad da Cuira vegn equipada da nov. Il cussegl da la citad ha concedì var 260'000 francs per vestgadira da servetsch nova e 125'000 francs per divers objects da l'equipament.
Vitiers ha el er decidì da metter a disposiziun ils proxims trais onns 150'000 francs per mesiras da segirtad sin las plazzas da gieu da la citad. Plinavant ha il cussegl da la citad er deliberà credits per lavurs da catram sin diversas vias da Cuira.