-
Bild 1 von 7. Ferma plievgia ha procurà per inundaziuns a Cuira: Ils pumpiers han era stuì deliberar autos bloccads. Bildquelle: MAD.
-
Bild 2 von 7. Pliras vias a Cuira èn vegnidas inundas. Bildquelle: MAD.
-
Bild 3 von 7. Ferma plievgia ha procurà per inundaziuns a Cuira. Bildquelle: MAD.
-
Bild 4 von 7. Sutpassadi ch'è inundà. Bildquelle: MAD.
-
Bild 5 von 7. Bleras chasas da Cuira han gì ils tschalers plain aua la notg vargada. Bildquelle: RTR, Riccarda Müller.
-
Bild 6 von 7. Suenter che l’aua è davent resta material bletsch en blers tschalers a Cuira. Bildquelle: RTR, Riccarda Müller.
-
Bild 7 von 7. Tut quai ch’era giu per terra è nudà enturn, sco per exempel en questa lavanderia. Bildquelle: RTR, Riccarda Müller.
Ils pumpiers sajan stads en acziun cun 40 persunas per pumpar ora abitaziuns e garaschas inundadas e per deliberar autos bloccads. Persunas na sajan betg vegnidas blessadas, communitgescha la polizia da Cuira.
Ils pumpiers da la citad da Cuira eran circa davent da las 23:00 uras cun 40 persunas en servetsch. Els han obtegnì sustegn da la polizia, Manaschis industrials, lavuratoris communals sco era interpresas da construcziun e tgirachanals. Las lavurs da rumir han cuzzà fin la damaun marvegl.
Pumpiers ston metter prioritads
Tenor il cumandant dals pumpiers da Cuira Stefan Reutimann na saja quai en ina notg sco la passada betg uschè simpel da metter prioritads. Da principi emprovian els da far in cas suenter l'auter. La notg passada hajan dentant il museum d'art ed il museum da natira gì prioritad. Lura sajan er ils ospital u chasas da tgira objects da prioritad (dentant betg la notg passada) e lura vegnian las abitaziuns. Suenter quai vegnan lura garaschas, tschalers u vaus dad ascensurs. Tar uschè ferma plievgia sco la notg passada na saja quai dentant betg pussaivel da pumpar or dal tut l'aua pervia dal temp. Cun in u dus centimeters ston ils possessurs anc far quint cu ils pumpiers van puspè. Tge che pertutga la chanalisaziun che po betg pli tschiffar l'aua na sappian ils pumpiers dentant far nagut uschè Stefan Reutimann, qua vali dad avair pazienza.
RR novitads 06:00