Cuira e Maladers en direcziun fusiun

La populaziun da Maladers ha dà l'incumbensa da guardar cun Cuira co ch'i guarda ora cun ina fusiun al cussegl communal. Per il mument stattan Cuira e Maladers èn discussiun per eruir co ch'i stat cun ils interess. La votaziun è planisada per il zercladur 2018.

Tenor il president da la citad da Cuira Urs Marti fa ina incorporaziun senn. En il Grischun dettia memia bleras vischnancas, e sche Cuira possia cumbatter quai saja el en mintga cas persuenter. Ed era Georg Loretz, il president communal da Maladers, è optimistic. Il discurs saja sin buna via: Fin il favrer vulan ils dus presidents communals sclerir sche l'interess da fusiunar saja avant maun e sch'ils dus lieus vulan lavurar vinavant vi d'in concept concret.

Incorporaziun n'è betg propi ina fusiun

Tar ina fusiun vegnan dus partenaris ensemen e furman ina nova vischnanca. Tar l' incorporaziun vegn in vitg integrà en l'auter. Maladers vegniss per exempel integrà en il sistem da Cuira. Cunquai che Cuira è in bun toc pli grond che Maladers (33'000 cunter 500 abitants) fa quai era senn.

RR actualitad 08:00