Cuira fa per cumond al chantun

A Cuira vegni a dar en l'avegnir ina taxa per far diever da la chanalisaziun. Da far quai aveva la regenza grischuna cumandà avant curt temp a la citad.

In bischen da chanalisaziun Bild in Lightbox öffnen.

Legenda da maletgs: Uss duai era valair a Cuira, tgi che dovra bler la chanalisaziun duai era pajar bler. Keystone

Actualmain paja la citad da Cuira ils custs per sanar, engrondir e renovar la rait da chanalisaziun d'enturn 130 kilometers per gronda part ord la cassa da la citad. Damai che quai cuntrafa al principi dal chaschunader, ha la suprastanza concludì ina nova regulaziun ch'entra en vigur l'entschatta da l'auter onn.

Las entradas supplementaras che resultan ordlonder, vegnan dabun en il rom d'ina finanziaziun speziala unicamain a la chanalisaziun da la citad. Questa via aveva la regenza grischuna ordinà, suenter ch’ils votants e las votantas da Cuira avevan refusà tant il 2012 sco il 2014 d’introducir ina tala taxa.

Entant ha la fracziun da la PLD da la citad da Cuira annunzià, da vulair pretender ch'il pe da taglia vegnia persuenter sbassà per 2%.

RR novitads 18:00