Ulteriur Grischun - Cuira ha l'emprim tetg solar ch'ins po faudar
La serenera a Cuira ha prendì en funcziun sia ovra solara. L'implant fotovoltaic ha custà la patruna IBC Cuira 1,65 milliuns francs. Part centrala da l'ovra è in tetg faudà. La finala producescha l'ovra ad onn 540'000 kWh electricitad.
L'implant solar sur la serenera cuvra radund 20% dal consum total d'energia da la serenera. Il tetg solar è l'emprima etappa da l'ovra solara che producescha, cura ch'ella è terminada, radund 540'000 kWh electricitad ad onn. Quai correspunda al consum da radund 120 chasadas. Ils reponsabels quintan che l'ovra saja finida dal tut la primavaira 2018.
