Ch'i vegn a dar sin l'areal Kleinbruggen a Cuira vest nov spazi da viver cun 400 novas abitaziuns quai è gia enconuschent dapi onns. Uss para il project dentant d'esser in pass enavant. Il bain puril sin l'areal svaneschia il cumenzament da l'onn che vegn. Quai ha la possessura dal terren – la fundaziun dal Seminari da spirituals Son Gliezi – ditg envers la gasetta Südostschweiz. Al pur Hanspeter Gisler hajan els fatg propostas co cuntinuar.
L'onn 2020 duain lura las lavurs da construcziun cumenzar sin l'areal Kleinbruggen. Ils proxims mais vai dentant per chattar investiders per il project.
RR novitads 06:00