Siglir tar il cuntegn

Header

Video
A Cuira patescha il guaud da la setgira da l'onn passà
Or da Telesguard dals 23.05.2019.
abspielen
cuntegn

Cuira Ina part dal guaud patescha da la sitgira

Ina part dal guaud da Cuira patescha anc adina da la sitgira da la stad passada. Quai sa mussa cun roma pirida e setga e tala che na chatscha betg pli. Tenor la chanzlia da la citad sajan pertutgadas plantas d'aviez, pign, tieu e fau.

Singulas plantas stoppian vegnir pinadas per motivs da segirtad, uschia per exempel sin la Halde, survart dal Lürlibadweg, communitgeschan las autoritads. L'impurtanta funcziun sco guaud da protecziun per la citad da Cuira na saja dentant betg periclitada.

Agid dal chantun a dretg temp

Spezialmain pertutgads da la setgira sajan las plantas en territoris plitost gulivs fin sin in'autezza da 900 meters sur mar. Il ristg per incendis da guaud possia crescher. Gia pli ditg planisescha Cuira ensemen cun il chantun in batschigl per aua da stizzar al Mittenberg. Anc quest onn vegn quel realisà. Quel vegn a cuntegnair 250'000 liters aua.

Las plantas setgas en il guaud vegnan pinadas mo lura, sch'ellas pericliteschan umans u bajetgs. Las plantas setgas restantas vegnian laschadas sco laina morta en il guaud, han declerà ils responsabels.

RR novitads 12:00